Blerim Sallahu, zëvendësministër në detyrë i Drejtësisë ka mohuar se ky dikaster ua ka ndërprerë mbështetjen financiare ish-krerëve të UÇK-së.

Me anë të një postimi në Facebook, ai ka thënë se nga viti 2021 e deri më 16 maj 2025, Ministria e Drejtësisë ka paguar 31 milionë e 985 mijë e 214 euro, shkruan Arbresh.info.

“Është tërësisht e pavërtetë që Ministria e Drejtësisë i ka ndaluar fondet për mbështetjen financiare të ish- krerëve të UÇK-së. Ne vazhdojmë t’i ekzekutojmë pagesat sipas legjislacionit përkatës në fuqi. Nga viti 2021, kur edhe ka filluar ekzekutimi i pagesave, e deri me 16 maj 2025, kemi ekzekutuar për mbështetjen financiare të ish krerëve të UÇK-së, 31 milionë e 985 mijë e 214 euro. Ata që e kanë bërë Gjykatën Speciale, kot mundohen të mashtrojnë me gënjeshtra! Ministria e Drejtësisë do ta adresojë secilën përgjegjësi që ka. Kushëdo që është i/e interesuar të dijë më shumë për shpenzimet, jemi të hapur t’ju ofrojmë qasje, shkruan Sallahu./Arbresh.info/